  |
  
|
上星期見完工，順路去到香港藝術館，想睇下"清明上河圖"，不過都係冇機會
因為當日的飛已經冇哂，我都奇怪，因為我有"博物館入場證"，唸住係fast pass，可以唔使飛直入，點知d 食蕉哥哥話都唔得！！！人流係咪甘勁呀！
我轉去第2個館睇，都係"人"山人海，冇錯，好多可能係"人"，亦多好多係"羊"，講真啦，香港幾時突然間甘有藝術氣息呀，咪玩啦！
其他國之重寶的館可以係冇人睇的，包括有唐三彩馬、景得窰等等
大佛後的小貓2隻！
大家有冇去過平日的藝術館，真係得小貓幾隻，烏蠅飛過都一定聽到！今時今日卻
"人"山"人"海，哈哈！真搞笑！講真，比大家入到去睇，會有咩反應﹖嘩！好靚呀！畫左幾耐呀﹖好細膩呀！講完了~背後用咩手法﹖咩學派﹖反影d咩﹖大家會知、會唸嗎﹖
大家會問：甘你去做咩呀﹖
我：有幾個原因， 1. 影"羊"囉 2. 順路 3. 因為有"博物館入場證" 4. 我其實都係一隻羊！ ^_^
早幾日見完工，去了海港城試下freshness burger，之前聽網友的評論麻麻，今次自己特來試試：
$28的 classic chesse burger，包身有d甜味，好鬆軟，不過包身唔夠大個，生菜有2片(頗為細片)、1cm厚的蕃茄，爽脆鮮甜，洋蔥炒過，所以好香口，芝士唔夠溶，扣少少分，牛肉有1cm厚，有咬口，而且肉汁豐富！ 一定好過M記及mos burger，但同triple o's 仲有一段距離，不過呢個價錢，絕對食得過！
豐富的肉汁，鮮甜而不油！
由於約左家人飲下午茶，所以只係食左一個飽~
全英文menu
位置好唔就腳，係海港城的上船位~
他：太好了！我期盼的日子終於來臨了！我都等不及了！
她：我可以反悔嗎？
他：不，你甚至想都別想！
她：你愛我嗎？
他：當然！
她：你會背叛我嗎？
他：不會，你怎麼會有這種想法？
她：你可以吻我一下嗎？
他：當然，決不可能只有一下！
她：你有可能打我嗎？
他：永 遠不可能！
她：我能相信你嗎？
＜結婚後＞請從下往上看↑一次
自從考完試後，心情一直都有不安之感，mcm由於2份assignment都fail，所以盡我最大的努力去睇notes、powerpoint、readings，考試的情況都唔錯，應該合格的，可能只係fair pass，拉唔夠分啦...
pp就其實有點點迷惘，考試的題目有d真係一d印象都冇.....
結果今早一上網check，2科都係F1！ MCM FAIL都有D 預左，因為assignment 都已經埋下伏線，但pp卻有d意外！
及後知道亦有同學仔同一命運，真係有d唔開心！浪費了4個月及$11800，冇得補考同埋可能要完左成個course先可以retake....
算了吧！忘記過去，展望將來，唔可以重覆過去的錯誤！ 要一鼓作氣！完成呢個degree!加油！加油！fighting！ 呢個semi一定要好過去的我，因為because our better, our better best!
由於家姐之前食晚飯滿$300送左張乳豬劵，所以我地昨晚一家人去左太子始創中心的彩福皇宴食晚飯！
首先來的係免費的乳豬，2-6位送半隻，7位以上送一隻！熱辣辣，脆卜卜，好正，不過明顯沒有肉味，一食就知道係"雪藏豬"，扣左一d分！
一斤海蝦：有水準，隻隻都好大隻，而且隻隻都好爽口！
，不過有一隻蝦頭有綠色的，奇怪~
紅燒北菇豆腐煲：我沒有吃到，不過其他人食過都幾好！
翡翠炒吊片：幾好呀，清清地！
生財豉油雞：$78勁大隻，好多酒樓半隻都食唔到啦！佢就大大隻，而且好滑又夠味！
清蒸海清斑1斤：超滑，1 斤岩岩好，2斤原本仲抵，不過waiter話來貨貴左，已經唔做$128的promote(但張poster仲大大張post左出來)
蝦乾瑤柱魚腐浸娃娃菜：家常小菜，清清地！
金瑤海皇粒炒飯：炒得好乾身，用料十足，抵讚！
預祝我同哥哥7月27日及7月26日生日，所以叫了壽包：超大個！又係一個手掌甘大！
隻隻都有個大大的咸蛋黃，而且係流哂油！ 蓮溶唔太甜，岩我！
環境好讚，冇柱位，擺酒一流！
紀念品：可以用來餵狗！
今次又食滿300蚊，所以又送番一張乳豬劵，都係1個月內有效，星期一至五可用，要預先2日book位！
7月1 日睇完回歸杯，一行5人去左銅鑼灣樓上鋪食私房齋，雖然我之前做的公司就是素食品的批發，日日係公司都食齋，不過上到來呢間店的食品又是一種新的體會呢！
第一道菜係一個雜錦拼盤，有壽司、素肉、雜菜，壽司、素肉都好迫真，而雜菜又好開胃呢！
釀茄子： 茄子內釀入素雞肉，之後香煎，味道岩岩好，不過油左d
日式芝士焗年糕：好香日，好煙un，正！
釀蘿蔔：表面有素蟹黃，內有素肉(大豆纖維)，清清地，唔錯！
葡式咖喱：有雜菜、素豬肉丸、素魚蛋等等，唔太辣，岩我，餸飯一流！
加了糙米的飯，四四方方，幾得意！
海帶豆腐花生湯：無加味精，一飲再飲！
咕嚕魚+牛肉丁： 有素牙帶魚、牛肉粒、登籠椒等等，甜甜地，幾好味！
腰果露：勁甜~
每人$165，老實講，真係有d貴，特別係我做左素食公司，知道來貨價等等，而且份量好少，一個正常的男人一定唔夠食.......
不過環境好，招呼好，可以取番一d分數！大家如果有興趣，一定要book位呀，朋友話最少要4位呢！
幾經波折，終於報左名去旅行了，今次同屋企人去，由於要就姐夫放暑期先得閒，所以要暑假的黃金時段去，團費$3899，加埋其他雜費、小費，$5k落樓，比淡季貴2k左右啦！好開心呀！自從2001年開始，差唔多年年都有坐飛機出國旅行/工幹！
2001-泰國
2002-北京、韓國
2003-上海、台灣
2004-日本
2005-德國、北京、日本、台灣
2006-日本
2007-將會是：
新加坡(聖淘沙島、CHIJMES讚美廣場、摩天塔)、馬來西亞、
雲頂高原、吉隆坡(KLCC AQUARIA 水族館)、
神奇冒險樂園+非洲水上樂園、馬六甲五天動感之旅 M K J B 0 5
有d咩玩，大家可以睇睇行程！
